اهل الجود والمروءة . بقلم الكاتب والشاعر جمال موسي . عالم الفن والأدب

أعزائى القراء

فى حياتنا كلنا هذا الشخص، أو ممكن أن يكون أكتر من واحد أو واحدة، ممكن يكون قريب أو صديق أو جار أو أى شئ ٠ 

تلاقيه دايما خدوم بدرجة عالية جدا، لدرجة أنه ممكن يضحى باهتماماته الشخصية فى سبيل إسعاد الآخرين، وخاصة لما يكون عندهم ظروف من أى نوع.

هذه الشخصيات الجميلة جدا جدا كتبت عنها هذه المقطوعة الشعرية.

أرجو أن تنال إعجابكم.

الخير عمره ماييجى إلا من صاحب الخير
والحب ماتلاقيهوش إلا عند الغالى الحبيب
يعطيك من غير ما ياخد ولا حتى يغير
الأصل موجود وكله جود وده مش غريب

تلاقيه فى شدة وكمان فى أكتر منها بكتير
إيده قبل إيدك ويجرى يمين وشمال كمان
ولو احتجت أى حاجة منه ولو أمكن يطير
الوفى اللى معك فى مشاكلك أبدا ما ندمان

الحلو حلو من غير تجميل ويجرى معك
ولو الزمان مال يميل معك بدون تدبير
ويحارب معك بكل قوته ولو القريب عك
وخد من ده وده من الأصل والمروءة كتير

وفى المرض إن طال يشيله عنك هايشيل
ربايته كده اتربى على طبليه وعرف معناها
ويعرف الواجب ويقف معك لو الدم يسيل
ربنا يحرسه ويجعل حياته كلها بدون إهانة.