alam alfan waladb
لسه بتحبها ؟ بقلم الشاعر وسيم نبيل . عالم الفن والأدب.
لسه بتحبها سؤال دايما ف البال
ولا كان زمان شعور عيال
الحب الاول هو الحب الاخير
بس إجابته بدون تبرير
الحب الاول مشاعر فياضه
وشعور اول مره تحسه
قلوبنا زي سمك البيضا
بتعشق لاول مره لمسه
بتحب من غير حدود
ولا عقل بيحكم مشاعر
بيكون الوتر مشدود
لدرجه انك في الحب شاعر
الحب الاول خد كل حاجه
بس للاسف كتير مش بيعيش
عشان كنت طيب عايش بسذاجه
ف الاحساس زيه ماهتلاقيش
الحب الحقيقي ليه حسابات
عمر جاي وعمر عدا وفات
الحب الحقيقي انك تكون سند
مش انك تيجي ع كرامتك
عشان حاجات
#وسيم_نبيل
