الألم كالسجن الصامت . بقلم الكاتبة والمفكرة نولا رأفت. عالم الفن والأدب.

تجربة الألم النفسي تجربة صعبة جداً وصعب نقيسها ونقيمها بسهولة لأنة أشد إيذاء من الألم الجسدي بمراحل
أستوقفتني أوي الكلمات دي لأن أحياناً من شدة الألم بيبقي صعب علينا نشرحة فبنفضل السكوت وبنختار نتألم ف صمت وهتبقي بالضبط زى حبه ظروف أتجمعت على شكل واحده قلبها مجروح حبت تعيش وسط البشر ما لقيتش بينهم أي باب مفتوح كل اللي جاي جايب وجع ياخد مكانه فرحها ويروح ومن النهارده يا روح ما في بعدك روح أسرار في قلبي لا تتكتم ولا تتحكي ولا يفهموها الناس بس اللي لازم يتعرف كثر الالم بيموت الاحساس مش كل ماضي بنعشقه في ماضي لازم يتنسي ويتداس والخوف في قلبي لما زاد قواني ،،
يمكن من أكتر الكلمات اللي بتعبر عن مخزون الألم جوانا كل ما بسمعها بحس انها بتوصف مشاعر مختلفة والسر مش بيتعبناا لانة سر لا هو بيتعبنا لأننا شايلينة لوحدنا كل اللي بيكبر ف الضلمة تأثيرة جوانا بيحني ويكسر ،الانكسار ساعات بيحسسك انك لوحدك ف الدنيا وأن مفيش طريق رجعه بس الحقيقه ان كل اللي وقفوا على رجلهم بعدها بداوا من نفس النقطه دي بالظبط اللي اتكسر فيك مش انت كلك في حته جواك لسه سليمه مستنيه تطلع للنور يمكن الانكسار بيكشف لك قوتك لما كنتش تعرفها
علاجك ف انك ترسم خطتك ازاي تساعد نفسك وتسامحها وتحبها اولهم ابعد عن جلد الذات لانه مش هيبنيك بالعكس هيرجعك الف خطوة لوراء انت مش غلطتك انك اتوجعت اعترف باللي حصل عيط لو محتاج ده وبعدين قول لنفسك قوم وعدي
اقطع اي شيء هيكون سبب في انكسارك سواء علاقات شغل افكار البدايه الجديده معناها الحقيقي انك تسيب وترمي كل اللي بيستنزفك ويستهلك طاقتك وما ترجعلهوش تاني حتى لو كان باين أن مريح
اكيد كل ده مش هيحصل في يوم وليله لكن بالتدريج والتدريب هتوصل لبر الامان ابدا كل يوم انك تصحي بدري تمشي لمده 10 دقائق تقرأ كتاب تتعلم تدون افكارك ومشاعرك وتخرجها وتكتبهاا صدقني يا صاحبي الأمل بيتجمع وبيخرج من الحاجات الصغيرة دى .